24 лютага ў рамках святкавання Дня роднай мовы Пацуеўская бібліятэка арганізавала для вучняў пачатковых класаў паэтычную гадзіну “Роднай мовы пералівы”.
Юныя чытачы з цікавасцю паслухалі гісторыю святкавання Дня беларускай мовы, упэўніліся, што беларуская мова – сакавітая, меладычная і пяшчотная. З задавальненнем вучні чыталі вершы, казкі, пацешкі, лічылкі, з вялікім інтарэсам адгадвалі загадкі. Адчуць прыгажосць і хараство роднай мовы прысутным дапамагло чытанне вершаў беларускіх пісьменнікаў Я.Купалы, Я.Коласа, Р.Барадуліна, М.Танка, якія прагучалі з вуснаў Іванюк Васілісы, Ганчарук Алесі, Вайцяхоўскай Вікторыі. Напрыканцы вучням быў прапанаваны прагляд відэафільма “Дала нам маці гэту мову”, які вучыць шанаваць сваю мову, свае песні, казкі, звычаі, таму што гэта спадчына дзядоў і вялікі нацыянальны скарб.
