Да 70-годдзя з дня нараджэння Генадзя Аўласенкі 10 жніўня ў філіяле “Поразаўская бібліятэка- цэнтр краязнаўства” прайшла літаратурная гадзіна “Свет дзівосаў і прыгод Генаддзя Аўласенкі”. Бібліятэкар пазнаёміла з жыццёвым і творчым шляхам пісьменніка, паэта, драматурга. Дзеці даведаліся, што свой першы верш “Песня” ён напісаў на чацвёртым курсе інстытута, амаль у дваццаць чатыры гады, спачатку яго паэзія была рускамоўная, з сярэдзіны 1990-х гадоў захапіўся драматургіяй, прозу пачаў пісаць значна пазней. Вельмі шмат напісаў кніжак для дзяцей, сярод якіх вершаваны зборнік “Зайка польку танцаваў”, зборнік “Колькі колераў ў лета? ”, у які ўвайшлі вершы, казкі, казачная аповесць. Сярод апошніх выданняў тапанімічныя казкі: “Таямніцы назваў”, “Як валошкі назву гораду далі”, “Чаму рэчка Уздзянка такую назву мае”, у якіх аўтар, зыходзячы са сваёй уласнай фантазіі, спрабуе адказаць на пытанне, якім чынам той ці іншы населены пункт, ці геаграфічны аб’ект атрымаў сваю назву. Прысутныя чыталі вершы і ўрыўкі з казак Генадзя Аўласенкі, пазнаёміліся з кніжнай выставай “Цудоўныя і добрыя кнігі Генадзя Уласенкі”.
