3 верасня ў гонар Дня беларускага пісьменства бібліятэкар філіяла “Велікасельская бібліятэка” для школьнікаў арганізавала слайд-гутарку “Старажытны кніжнік”, якая распавядала аб беларускім першадрукару Францыску Скарыне.
Увазе прысутных была прадстаўлена прэзентацыя “Францыск Скарына – беларускі асветнік і першадрукар”, падчас прагляду якой дзеці пазнаёміліся з жыццёвым шляхам і асветніцкай дзейнасцю беларускага першадрукара. Рабяты ўважліва слухалі пранікнёныя словы гуманіста аб любові да роднай зямлі.
Падлеткі з цікавасцю разглядалі кнігі з партрэтам асветніка, фотаздымкі з выявай старажытнай друкарні,
тытульнымі лістамі выдадзеных Скарынам кніг.
Бібліятэкар звярнула ўвагу ўдзельнікаў мерапрыемства на выданні, прысвечаныя Францыску Скарыне і прапанавала іх прачытаць, каб глыбей пазнаёміцца з гэтым выбітным чалавекам.
3 верасня ў філіяле “Ханчыцкая бібліятэка-клуб” праведзены калейдаскоп цікавых фактаў пад назвай “Асветнікі зямлі беларускай”.
Бібліятэкар прадставіла прысутным шэраг цікавых фактаў, звязаных з гісторыяй ўзнікнення кнігі ў Беларусі, расказала пра сейбітаў духоўнай культуры: Еўфрасінню Полацкую, Кірылу Тураўскага, Францыска Скарыну, Сымона Буднага, Васіля Цяпінскага, Сімяона Полацкага і іх жыццё.
Зацікавілі наведвальнікаў слайд-прэзентацыя “Стварэнне першай кнігі” і аповед пра самую старажытную ў Беларусі бібліятэку хрысціянскага веравучэння.
Літаратура кніжнай выставы па тэме дапоўніла веды пра гуманістаў-асветнікаў і іх уклад у нацыянальную спадчыну і развіццё кнігадрукавання.
